حسب ِ حال کلام:نوشاد شیراز نوشی

حسب ِ حال

کلام:نوشاد شیراز نوشی

4/8/2019

مجھ سے پوچھتے ہیں وہ کیا کوئی سوال ہے؟

سن لو اے امیر شہر!    جینا بھی  محال  ہے !

مر رہے ہیں روز ہم   بے بسی کی آڑ میں

ظلم کو کروں بیاں ؟ کیا میری مجال ہے!

روز وشب ہیں سانحات روز وشب ہیں واردات

رہبری میں تیری کیوں ؟ کیا تیرا خیال ہے؟

روزگار بھی نہیں،نہ سکوں ہے زیست میں

عدل کے ہیں منتظر  جرم ہی  فعال  ہے!

رنگ برنگی محفلیں ، ہے سدا  منافقت

شر ،بدی کے بت سدا ہر جگہ وبال ہے!

چار سو ہیں کہسار، وادیاں ہیں بیچ  میں

حسن ، بحر و بر یہاں امن ہی  شمال ہے!

ہے تماشا زندگی   انقلاب  اب   کہاں؟

کٹ رہے ہیں روز سر ہاں ترا کمال ہے!

انقلاب   ، انقلاب  میں  سراپا   انقلاب !

سر جھکے گا اب نہیں، جی یہی سوال ہے!

نوشی تم بھلا کہاں  پا سکو فلاح یوں؟

حشر کا ہے اب سماں  قوم کو زوال  ہے!