عنوان "میرے ہمسفر"
کلام : نوشاد شیراز نوشی
یوں ہی بحر وبر میں سفر رہا،کبھی اِس نگر کبھی اُس نگر
ترے قُرب اور وصال میں،مرے ہمسفر مرے ہمسفر
یہ جو ہر سرور مجھے ملی،وہ ترے حدود کی چھاؤں میں
نہیں اس سے کوئی معتبر،مرے ہمسفر مرے ہمسفر
میری زیست مثل فلک رہے،میرا ہو شمار الشمس کا
ترے روبرو مجھے بولنا،مرے ہمسفر مرے ہمسفر
ہے ازل سے روپ وفا ترا، وہی راہ سنت آئینہ
تو مثال ِ عشق وفا سدا،مرے ہمسفر مرے ہمسفر
یہ دیارِ غیرکی سازشیں،وہ مرے رقیب کی رنجیشیں
تو ہے بے خبر اُس دیس میں،مرے ہمسفر مرے ہمسفر
وہ خطا ئیں چیرتی دل مرا،جو لگا ئیں روگ عزیز نے
میں ہی باخبر ترے جرم کا،مرے ہمسفر مرے ہمسفر
وہ ترا مزاج جو تیز دھار،وہ تری ادائیں جو دلفریب
سبھی چاہتیں مرے واسطے،مرے ہمسفر مرے ہمسفر
یہاں لاکھوں لوگ جدا جدا،ہے نہ جانے کس کی خطا بھلا
ملے وصل یار بھلا کہاں؟مرے ہمسفر مرے ہمسفر
غمِ زندگی غمِ بندگی، غمِ روزگار حیات میں
یوں ہی بر ملا مجھے غم ملا،مرے ہمسفر مرے ہمسفر
کبھی غم زمین و مکان کا،کبھی فکر علم و جہان کا
وہ تری امید ِوفا سدا،مرے ہمسفر مرے ہمسفر
جو لہو ٹپکتی ہے آنکھ سے،ترے ہجر کی یہ دلیل ہے
تو شناسا میرے خلوص کا،مرے ہمسفر مرے ہمسفر
یہ مری بساط میں ہے ہی کیا؟کہ تڑپ رہی ہیں بے تابیاں
تو فراق ِ ہجر کا ہی دِیا،مرے ہمسفر مرے ہمسفر
تو نے ہی تو دیں مجھے قہقہے،وہ بھلا کے ہی سبھی رنجّشیں
تو ہی ساقیا میئے عشق کا،مرے ہمسفر مرے ہمسفر
وہی چاہ یوسف دیکھ کے،میں مثال ِ مصر ِ صنم بنی
ترا عشق روح کبیر کا،مرے ہمسفر مرے ہمسفر
یہ قصہ ہے تیرا میرے عزیز، نہ لگے کسی کو یہاں عجیب
جو ہیں منسلک وہ ہیں خوش نصیب،مرے ہمسفر مرے ہمسفر
جو نکاح میں ملےعرش سے،وہی ہے صنم ترے بخت میں
تری جستجو ہو وہی فنا،مرے ہمسفر مرے ہمسفر
اہل و عیال اولاد ومال،زر زن زمین سب کچھ یہاں
پردیس میں تو کیوں نڈھال،مرے ہمسفر مرے ہمسفر
ہے نیا نیا مرا مشغلہ، یہ قلم ادب مرے ذوق کا
مجھے پڑھنے والے سراہیں کیا؟مرے ہمسفر مرے ہمسفر
نوشی سراپا وفا تم،فکر و عمل میں مثال تم
ملے سب کو اب کوئی ہمنوا،مرے ہمسفر مرے ہمسفر